X
تبلیغات
قینرجه آنا یوردوم - شعر ترکی در وصف قینرجه
 
آنا یوردوم قینرجه دی وفالی............... هامی یئری گزمه لیدی صفالی
 


بهترین و جدیدترین خدمات وبلاگ نویسان جوان                www.bahar-20.com

منیم کندیم سنین حالین ساز اولسون....شادلیقین چوخ قارا گونون آز اولسون

هر دورت فصلین همیشه لیک یاز اولسون

وفا ائتسه عمروم گنه گلرم ....................سنی گوروب گوز یاشیمی الرم

************** 

شئر شئر سوو آخار گلر شاقیلدار..........کهلیک اوجا داغ باشیندا قاقیلدار

بولاغلارین گوزو جوشار پاقیلدار

بولاخلارین سرین سوو ایچملی...............ائل اوبالار گلیب اوردان کئچمه لی

*****************

ایمان خانین گل آقاسی تره سی............قره گونی داغینین دا سره سی

قیزلار یایان تولوخلارین کره سی

ایندیده وار داما قیمدا دادلاری...............دیلیمدن دوشمیوب هله آدلاری

*****************

دال چی باغین باداملاری آلماسی.........اوشاقلارین بولاغ اوتو یولماسی

جان نه نه مین سوغان سوو  دولماسی

کاش او گونلر ایندیده بیر اولایدی..........بیر گول اچیپ سونراداندا سولایدی

********************

یاغار یاغیش بولوتلارین سوکولر     ..........آخار سوو قرخ بلاغین توکولر

گئچر دونیا جوانلاردا بوکولر

یالان دونیا کیمه وفا ائده جاق..............بوتون گلن گئنه بیر بیر گئده جاق

****************

پراوخانین قله سینده قار قالار............دال دوشونده آهو مارال سار قالار

آی دره سی بولاخلارین وار قالار

داد الیندن آمان سندن آیریلیق..........ال چکمه دین نیه مندن آیریلیق

 ***************

هامی یئردن اوجا کئچی قالاسی ................. داشلیقلاردا یاتار آهو بالاسی

دولار گوللرینن چوقور چالاسی

بهار فصلی یاشیل چالار هر یانی ................. حیران ائدر اوردان گئچن انسانی

*************

چوبانکره سویی چوخلی سریندی ................ قدیم حمام دئمک دیبی دریندی

آلتی داغین اورتاسیندا یئریندی

منیم کندیم یاشا  سنی قوجالما ................ دنیا وار کان یوخسول اولما آجالما

**************

چارباغیندا دام داش اولدو دوزلری ................. منیم کندیم کوچدی سنن یوزلری

قالده سنده یالان یا دوز سوزلری

ظالم فلک نفاق سالدی آرایا ............... اولمادی بیر کیمسه گله هارایا

************

دوز دییبلر یالان دنیا یالاندی ............... کئچدی گونوم عمروم سنده تالاندی

بیز گئدرگی قوناق، دنیا قالاندی

دنیا سنده آغلیان چوخ گولن یوخ .............. دردیم چوخدی اما حیف بیلن یوخ

**************

چملی گوزوم قاباغیندا آینادی................ گوزوم دوشدو  اونا ذوقوم قاینادی

باغدا لاله فرحلنیب اوینادی

اوحدیه دیین آغزین وار اولسون.............. هر یئرده سن الله سنه یار اولسون 

بهترین و جدیدترین خدمات وبلاگ نویسان جوان                www.bahar-20.com

  نوشته شده در  چهارشنبه نهم دی 1388ساعت 13:35  توسط مرادی  | 
 
  POWERED BY BLOGFA.COM